Светскиот ден на здрава храна беше одбележан во објектот „Развигорче“ на градинката „Ангел Шајче“. Децата преку различни содржини се едуцираа за процесот на одгледување и конзумирање на здрава храна. На манифестацијата беше промовирано упатство за здрава храна подготвено од Министерството за труд и социјална политика.
-Цел на програмата е запознавање со процесот на одгледување на растенијата, карактеристиките на овошјето и зеленчукот преку воочување и вкусување, запознавање на децата со начин на правилно конзумирање на здрава храна,вели, Ленче Алексовска, одговорен воспитувач во „Развигорче“.
Присутните гости, родителите и децата ја посетија огранската градина во дворот на градинката. Децата учествуваа во собирање на зеленчукови плодови, а потоа од нив подготвија салата.
-Покрај оваа активност во сите воспитни групи на ниво на објектот „Развигорче“ се реализирани повеќе активности за здрава храна, децата со учителките обработуваа песнички за овошје и зеленчук, имаше куклена претстава , а потоа цртаа по доживување, вели Алексовска.
Целта на манифетстацијата е децата од најмала возраст да разберат дека овошјето и зеленчукот се многу важни за нивниот раст и развој. По препорака на Министерството за труд и социјална политика во сите јавни установи низ државата се одбележува Националниот ден на здрава храна.